Deepak aur Ranjeet ki ek sachchi kahani

Deepak aur ranjeet do pakke dost the . Ranjeet ek sampann khandaan se tha wahin deepak ke pita majdoor the. Donon ek hi school mein padhte the, saath aate jate the . Isliye dosti gehri ho chali thi , aur wo kareeb 10 saal se saath the . Is saal unhone 10 boards ke exam diye the. Lekin sanyog dekhiye dono fail. Gaaon mein aksar ye hota hai ki agar aap fail ho gye hai to private college se form daal dijiye,aur fir aapko exam dene jaana rahega . Unhonne bhi form bhara ,march mein exam tha. To 15 din pehle wo exam centre dekhne gaye. Centre unke ghar se 25 KM dur tha , to wo gaye to bus se but lautte time wo ek jeep mein baith gaye. NH-2 par aisi jeeps bahut chalti hai jo musafiron se kiraya lekar unhe unki jagah pahuncha deti hai. 

Yahi sochkar Deepak aur Ranjeet bhi isme baith gaye . Isme 4 aadmi aur 2 ladies pehle se hi baithi hui thi  to wo bhi isme baith gaye. Wo 2 ladies to thodi der baad utar gyi , ab jeep mein yhi 6 log the.  Uske baad wo sab baaton me lag gaye . Ranjeet thoda bad bola tha wo apni shekh maarne ke chakkar mein badi badi phenkane lagaa. Usne ye socha hi nahi ki ye log galat bhi ho sakte hai . Wahi deepak ke pariwar me koi paise wala tha hi nhi to usne bata diya ki uske pita majdoor hai. Ab dakuon ka main target Ranjeet tha lekin kehte hai na ki gehun ke saath ghun bhi pista hai. Donon doston ko unhonne behoshi ke injection laga diye.

Wahan se unhe wo apne adde pr le gaye, jahan unhe kareeb 2 hafte tak rakha. Wo unse khana banwaate the lekin khaane ko kewal aadhi roti dete the . Laghu shanka ke liye jaate time ek dusre se baandh dete the taaki wo bhaag na sake. Wahan unhe ek uncle mile jo kareeb 60 saal ke honge, unhonne deepak se kaha beta bhaag sako to hi bhagana , keval bhaagne ki kosis mat krna,phir bhaag hi jana.

Kareeb 5 din baad is gang ki dusri gang se muthabhed hui isme Deepak kisi tarah chutt kar tisri disha mein bhaga. Us raat ke andhere mein use kuch bhi nazar nahi aa rha tha .Na jaane kitne kaaton wali jhadiyon se hota hua ek pulia ke paas pahuncha jiske niche usne puri raat guzari. Agli subah kareeb 4 baje wo wahan se chal diya , tabhi use saamne se koi aata hua dikhai diya usne usse rasta pucha. Pta chala ki ye to uske nana ka gaaon hai. Kisi tarah wo apne nana ke khet pahuncha. Wahan unhonne use tube well ki kutharia me baithaala . Aur is tarah Deepak dakuon ki kaid se chuta.
Lekin abhi ranjeet baki hai . Uski kahani agli post mein